ఆంధ్రప్రదేశ్ రాష్ట్రంలో రోడ్డుప్రమాదాల నియంత్రణకు డీజీపీ హరీష్ కుమార్ గుప్తా ప్రత్యేక చర్యలు చేపట్టారు. అనవసర ప్రాణనష్టం, జనం భద్రత విషయంలో ప్రభుత్వం ఎంతగానో కట్టుబడి ఉందని స్పష్టం చేస్తూ, ఈ నెల మొత్తం స్పెషల్ డ్రైవ్ కార్యక్రమాన్ని నిర్వహించనున్నట్లు ప్రకటించారు.
డీజీపీ హరీష్ కుమార్ గుప్తా వెల్లడించిన షెడ్యూల్ ప్రకారం:
🔹 ఆగస్ట్ 1 నుంచి 10 వరకు: డ్రంకెన్ డ్రైవింగ్ నియంత్రణ కోసం ప్రత్యేకంగా డ్రైవ్ నిర్వహించనున్నారు. మద్యం సేవించి వాహనాలు నడిపే వారిపై కఠిన చర్యలు తీసుకుంటామని స్పష్టం చేశారు.
🔹 ఆగస్ట్ 11 నుంచి 17 వరకు: రోడ్లపై అతివేగం (ఊరవేగం) తో ప్రయాణించే వాహనాలపై దృష్టి పెట్టి, రూల్స్ బ్రేక్ చేసే వారిపై కఠిన చర్యలు తీసుకుంటారు. ఇది రోడ్డుప్రమాదాల ప్రధాన కారణాల్లో ఒకటిగా గుర్తించారు.
🔹 ఆగస్ట్ 18 నుంచి 24 వరకు: హెల్మెట్ లేకుండా ద్విచక్ర వాహనాలపై ప్రయాణాలు చేసే వారిని గుర్తించి, వారికి జరిమానాలు విధించనున్నారు. ప్రజలు తమ ప్రాణాలను కాపాడుకోవడానికి హెల్మెట్ తప్పనిసరిగా ధరించాలన్నది పోలీసులు స్పష్టం చేస్తున్నారు.
🔹 ఆగస్ట్ 25 నుంచి 31 వరకు: రాష్ట్రవ్యాప్తంగా ప్రమాదాలు జరుగుతున్న బ్లాక్ స్పాట్లు ను గుర్తించేందుకు అధికారులు ప్రత్యేకంగా తనిఖీలు చేస్తారు. ప్రమాదాలకు ప్రధాన కారణమయ్యే చోట్ల ఆధునిక సాంకేతిక పరిజ్ఞానం ద్వారా గుర్తింపు చేపడతారు.
డీజీపీ గారు నిబంధనలు ఉల్లంఘించే వారిపై కఠిన చర్యలు తప్పవని హెచ్చరించారు. ప్రజలు నిబంధనలు పాటించి, వారి సురక్షతను స్వయంగా కాపాడుకోవాలన్నారు. ఈ స్పెషల్ డ్రైవ్ ద్వారా రోడ్డు ప్రమాదాలను గణనీయంగా తగ్గించే లక్ష్యంతో ముందుకు వెళ్లుతున్నారు.
