శ్రీశైలంలో ఐదో రోజు దసరా మహోత్సవాలు
శ్రీశైలంలో జరుగుతున్న దసరా మహోత్సవాలు ఐదో రోజుకు చేరుకున్నాయి. ఈ సందర్భంగా శుక్రవారం వర్షం కారణంగా స్వామి, అమ్మవార్ల గ్రామోత్సవం రద్దయింది. అయినప్పటికీ మహోత్సవాలు వైభవంగా కొనసాగాయి.
ఈ రోజు శ్రీభ్రమరాంబికాదేవి స్కందమత అలంకారంలో భక్తులకు దర్శనమిచ్చారు. మరోవైపు స్వామివారు, అమ్మవారు శేషవాహనంపై ఆశీనులై ప్రత్యేక పూజలు స్వీకరించారు.
అనంతరం ఆలయంలోని అలంకార మండపంలో స్వామి, అమ్మవార్లను దర్శించుకునేందుకు భక్తులు భారీగా తరలివచ్చారు. దసరా ఉత్సవాలను ప్రత్యక్షంగా వీక్షించేందుకు వచ్చిన భక్తుల ఆనందం వర్షం మధ్యన మరింత ప్రత్యేకంగా మారింది.
