నిరుద్యోగ యువతకు శుభవార్త. అంబేడ్కర్ స్టడీ సర్కిళ్ల ద్వారా ఎస్సీ, ఎస్టీ, బీసీ, ఓసీ వర్గాలకు చెందిన అభ్యర్థులకు పోటీ పరీక్షలకు ఉచిత శిక్షణ కల్పించనున్నారు. ఈ మేరకు సర్కిల్ డైరెక్టర్ ప్రసన్న వెంకటేశ్ వివరాల ప్రకారం, ఈ నెల 24 నుంచి అక్టోబర్ 6 వరకు దరఖాస్తులు స్వీకరిస్తారు. తిరుపతి, విశాఖపట్నం కేంద్రాల్లో శిక్షణ నిర్వహిస్తారు. శిక్షణ సమయంలో అభ్యర్థులకు ఉచిత వసతి, భోజన సదుపాయం కల్పించబడుతుంది.
"ఐబీపీఎస్, ఆర్‌ఆర్‌బి, ఎస్ఎస్సీ వంటి జాతీయస్థాయి పోటీ పరీక్షలకు శిక్షణ ఇస్తాం. ఆసక్తిగల అభ్యర్థులు తప్పనిసరిగా ఆన్లైన్లో దరఖాస్తు చేయాలి. అక్టోబర్ 12న జిల్లా కేంద్రాల్లో స్క్రీనింగ్ టెస్ట్ జరుగుతుంది. మరిన్ని వివరాలకు 99496 86306 నంబరులో సంప్రదించవచ్చు" అని డైరెక్టర్ తెలిపారు.
ఉచిత శిక్షణ అందించడానికి ఆసక్తి ఉన్న సంస్థల నుంచి టెండర్లు కూడా ఆహ్వానించినట్లు ఆయన పేర్కొన్నారు.
