ఆంధ్రప్రదేశ్ ప్రభుత్వం గ్రామ/వార్డు సచివాలయ శాఖ తాజాగా ముఖ్యమైన ఆదేశాలు జారీ చేసింది. సచివాలయ సిబ్బందిని ప్రమోషన్లు ఇవ్వడం, ఇతర శాఖలకు డిప్యూటేషన్లు లేదా OD (Other Duty) కేటాయించడం వంటి అంశాల్లో ఇకపై తప్పనిసరిగా GSWS శాఖకు ముందస్తు సమాచారం ఇవ్వాలని ఆదేశించారు.
డైరెక్టర్ శ్రీ ఎం.శివ ప్రసాద్, IFS గారు జారీ చేసిన లేఖలో, అనుమతి లేకుండా డిప్యూటేషన్ లేదా ODలో ఉన్న సిబ్బందిని వెంటనే వారి అసలు సచివాలయాలకు తిరిగి పంపాలని జిల్లా కలెక్టర్లు, జిల్లా శాఖాధిపతులకు స్పష్టమైన సూచనలు ఇచ్చారు.
ఈ ప్రక్రియను పర్యవేక్షించేందుకు HRMS పోర్టల్‌లో డిజిటల్ వర్క్‌ఫ్లో ప్రారంభించనున్నట్లు తెలిపారు. దీని ద్వారా ప్రమోషన్లు, డిప్యూటేషన్లు, ODలు వంటి ప్రతీ అభ్యర్థన GSWS శాఖ అనుమతి పొందిన తర్వాతే అమలు చేయబడుతుంది.
ప్రభుత్వం స్పష్టంగా తెలియజేసింది: GSWS శాఖ అనుమతి లేకుండా ఎటువంటి మార్పులు జరగరాదు. ఇది సిబ్బంది నియామకాలు, బదిలీలు, ప్రమోషన్‌లలో పారదర్శకతను కాపాడడమే లక్ష్యంగా జారీ చేసిన ఆదేశమని తెలిపారు.
