కేంద్ర రవాణా శాఖ నిశ్శబ్దంగా నడిచే ఎలక్ట్రిక్ వాహనాల (ఈవీలు) వల్ల రోడ్డు ప్రమాదాల నివారణ కోసం కొత్త నిబంధనలను ప్రకటించింది. 2027 అక్టోబర్ 1వ తేదీ నుంచి అన్ని ఎలక్ట్రిక్ కార్లు, బస్సులు, ట్రక్కులకు ‘అకౌస్టిక్ వెహికల్ అలర్ట్ సిస్టమ్’ (AVAS) తప్పనిసరి అవుతుంది.
ముసాయిదా నోటిఫికేషన్ ప్రకారం, వాహన వేగాన్ని బట్టి శబ్దం మారే విధంగా సిస్టమ్ అమర్చాలి. 2026 అక్టోబర్ 1 తర్వాత తయారయ్యే కొత్త మోడల్ వాహనాల్లో కూడా ఈ సౌండ్ అలర్ట్ వ్యవస్థ తప్పనిసరిగా ఉండాలి.
కేంద్రం ఈ నిర్ణయం తీసుకోవడం ద్వారా, నిశ్శబ్దప్రమాదాలు, పాదచారులు మరియు చిన్న వాహనాలను ప్రభావితం చేసే ప్రమాదాలను తగ్గించడం లక్ష్యంగా పెట్టుకుంది. రోడ్డు భద్రతను పెంచే దిశగా ఇది పెద్ద అడుగు అని అధికారులు పేర్కొన్నారు.
